Drama love: Sport News

Showing posts with label Sport News. Show all posts

Bayern សងសឹក PSG បានសម្រេចមុនឡើងទៅវគ្គ១៦ក្រុម

កាលពីជើងទីមួយក្រុមជើងខ្លាំងមកពី Bundesligaបានចាញ់ PSG ៣ទល់នឹង០ នៅទីក្រុងប៉ារីសយ៉ាងគួរឲ្យភ្ញាក់ផ្អើលរហូតដល់មានការបណ្ដេញអ្នកចាត់ការទូទៅលោក Carlos Ancelotti ចេញពីតំណែង។

យ៉ាងណាកាលពីយប់មិញ Robert Lewandowski ស៊ុតបាន១គ្រាប់នៅនាទី ទី៨ ហើយ Corentin Tolisso រកបាន២គ្រាប់ម្នាក់ឯងនៅនាទី ៣៧ និង៦៩ជួយ Bayern Munich យកឈ្នះបានវិញ។ ១គ្រាប់របស់ PSG ធ្វើបានដោយខ្សែប្រយុទ្ធវ័យក្មេង Kylian Mbappe នៅនាទី៥០។

ទោះជាបរាជ័យមែនប៉ុន្តែក្រុមអ្នកមានបារាំង PSG នៅតែឈរកំពូលតារាងពូលB មានពិន្ទុស្មើគ្នាជាមួយ Bayern ប៉ុន្តែខ្លួនចំណេញ១គ្រាប់លើរូបមន្ត Head to head (គិតលើលទ្ធផលប៉ះគ្នាទាំង២ជើង)៕

ភ្ជាប់ទំនាក់ទំនងជាមួយ Sabay News Sport

ចង់ដឹងដែរទេ? ក្រោយបញ្ចប់ការប្រកួត UCL សប្ដាហ៍នេះ ក្រុមណាខ្លះហើយ ដែលឆ្លងទៅកាន់វគ្គ១៦ក្រុមចុងក្រោយ?

0 Comment

បរទេស៖ បន្ទាប់ពីបញ្ចប់ការប្រកួតសម្រាប់សប្ដាហ៍ទី៥ នៃក្របខណ្ឌ UEFA Champions League យើងឃើញថា មានក្រុមចំនួន៨ហើយ ដែលបានកក់កៅអីសម្រាប់វគ្គ១៦ក្រុមចុងក្រោយ ខណៈក្រុមមួយចំនួនទៀត នឹងត្រូវប្រកួតសម្រាប់សប្ដាហ៍ចុងក្រោយនេះ។ ពោលគឺ នៅសប្ដាហ៍ទី៦ ក្នុងវគ្គចែកពូលដើម្បីដឹងថា តើក្រុមចំនួន៨ណាទៀត ដែលអាចឡើងទៅកាន់វគ្គជាបន្ដ។ ក្រុមទាំង៨ ដែលបានកក់កៅអីវគ្គ១៦ក្រុមចុងក្រោយ ដោយស័្វយប្រវត្ដិនោះ រួមមានដូចជា៖ -Paris Saint-Germain -Bayern Munich -Chelsea -Barcelona -Manchester City -Besiktas -Tottenham Hotspur -Real Madrid សម្រាប់ក្រុមដែលត្រូវប្រជែងក្នុងការឡើងទៅកាន់វគ្គជាបន្ដមានដូចជា៖ -Manchester United -Basel -CSKA Moskav -Roma -At.Madrid -Juventus -Sporting -Liverpool -Sevilla -Spartak Moskva -Sharkhtar Donestsk -Napoli -Porto -Leipzig -Roma គួរឲ្យដឹងថា ការប្រកួតចុងក្រោយសម្រាប់វគ្គចែកពូល នៃពានរង្វាន់ដ៏ធំជាងគេក្នុងតំបន់អឺរ៉ុបនេះ នឹងត្រូវធើ្វឡើងនៅថៃ្ងទី៦ និងទី៧ ខែធ្នូ ខាងមុខនេះ៕

ក្រុមចំនួន៨ហើយ ដែលបានកក់កៅអីសម្រាប់វគ្គ១៦ក្រុមចុងក្រោយ

ក្រុមចំនួន៨ហើយ ដែលបានកក់កៅអីសម្រាប់វគ្គ១៦ក្រុមចុងក្រោយ បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល news@khmerload.com (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

Neymar៖ ទាល់តែខ្ញុំឈ្នះ Champions League និង World Cup សិនទើបរៀបការ

0 Comment

ខណៈក្រុមជម្រើសជាតិប្រេស៊ីលកក់សំបុត្រយន្តហោះទៅ World Cup ២០១៨ ហើយ Paris Saint-Germain កំពុងឈរលេខមួយក្នុងពូល នៅ Champions League ធ្វើឲ្យខ្សែប្រយុទ្ធ Neymar បង្ហាញគោលដៅចង់ឈ្នះពានធំៗទាំងពីរនេះ។

Neymar

តារាឆ្នើមសញ្ជាតិប្រេស៊ីលធ្លាប់ឈ្នះ Champions League ម្ដងកាលលេងនៅ Barcelona ហើយនៅក្រុមជម្រើសជាតិវិញរូបគេបានជួយឲ្យឈ្នះមេដាយមាសអូឡាំពិកនៅទឹកដីកំណើតរបស់ខ្លួន ប៉ុន្តែគ្រប់យ៉ាងនៅមិនទាន់គ្រប់គ្រាន់នៅឡើយទេសម្រាប់កីឡាករមានមហិច្ឆតាខ្ពស់ដូចជា Neymar។
ទោះជាជោគជ័យជាមួយអាជីពបាល់ទាត់ ក្នុងនាមជាកីឡាករថ្លៃខ្លួនខ្ពស់បំផុតលើលោក តែម្ចាស់អាវលេខ១០នៅ PSG មិនទាន់គិតគូររឿងផ្ទាល់ខ្លួននៅឡើយ។ Neymar មានកូនប្រុសម្នាក់ឈ្មោះ Davi Lucca និងមិត្តស្រីជាតារាម៉ូឌែលនាង Bruna Marquezine។ អ្នកទាំងពីរធ្លាប់ប្រកាសថាបែកគ្នាតែក្រោយមកត្រូវរ៉ូវគ្នាវិញកាលពីខែតុលា។

មិត្តស្រី Neymar និងកូនប្រុស

យ៉ាងណាកីឡាករវ័យ២៥ឆ្នាំមិនទាន់និយាយពីផែនការមង្គលការអ្វីទេ តែបានបង្ហើបក្នុងកិច្ចសម្ភាសន៍ជាមួយអ្នកសារព័ត៌មានថានឹងគិតដល់រឿងនោះក្រោយឈ្នះ Champions League និង World Cup។ "ខ្ញុំចង់ឈ្នះ UCL ជាមួយ Paris និង World Cup ជាមួយប្រេស៊ីលព្រោះវាជាក្ដីស្រមៃធំបំផុតក្នុងជីវិត។ បន្ទាប់មកតើនរណាអាចទាយទុកបាន ប្រហែលជាខ្ញុំត្រូវរៀបការ"។
Neymar ផ្ទេរពី Barcelona ទៅ Paris Saint-Germain ក្នុងតម្លៃ២២២លានអឺរ៉ូ។ បង្ហាញខ្លួនបាន១៣ប្រកួតរូបគេស៊ុតបញ្ចូលទីបាន១១គ្រាប់នៅក្លឹបដែលមានមូលដ្ឋានក្នុងទីក្រុងប៉ារីស៕

Neymar និងនាង Bruna Marquezine

Dortmund ត្រូវការឈ្នះ Spurs នៅយប់នេះ តែសង្ឃឹមតិចសម្រាប់វគ្គ១៦ក្រុម

0 Comment

ពានរង្វាន់ UEFA Champions League ប្រកួតទី៥វគ្គជម្រុះក្នុងពូលនឹងវិលមកវិញនៅយប់នេះ ខណៈក្រុមមួយចំនួនបានកក់កៅអីវគ្គ១៦ក្រុម ខ្លះទៀតប្រឹងប្រជែងយកកៅអី និងមានមួយចំនួនគ្រាន់តែលេងដើម្បីបង្គ្រប់កិច្ចប៉ុណ្ណោះពោលគឺបានធ្លាក់រួចទៅហើយ។

ក្រុមក្នុងពូល H ដែលប្រជុំដោយក្រុមខ្លាំងៗមាន Tottenham Hotspur បានកក់កៅអីទៅវគ្គ១៦ក្រុម ត្រូវប៉ះជាមួយ Dortmund ហើយលេខ២ Real Madrid ត្រូវប៉ះ APOEL Nicosia ដើម្បីធានាកៅអីនៅវគ្គបន្ត។ ពូលនេះ Dortmund ត្រូវការឈ្នះ Spursដាច់ខាត តែបើសិន Real Madrid ឈ្នះ APOEL ដែរនោះមានន័យថាពួកគេអស់ឱកាសហើយ។
លទ្ធភាពដែលក្រុមជើងខ្លាំងអាល្លឺម៉ង់អាចទៅវគ្គ១៦ក្រុមបានដរាបណា ក្រុមនេះត្រូវឈ្នះ២ប្រកួតដែលនៅសល់ហើយ Real Madrid ចាញ់ទាំងពីរប្រកួត។

ចំពោះពូល E ក្រុម Liverpool កំពុងឈរលេខ១ក្នុងតារាងតែដាច់ពិន្ទុគ្នាមិនឆ្ងាយទេ។ បើ Liverpool ឈ្នះពួកគេនឹងបានសំបុត្រយន្តហោះទៅវគ្គបន្ត ហើយ Sevilla និង Spartak Moscow ត្រូវចាំអ៊ុតប្រកួតចុងក្រោយ។ ប្រកួតយប់នេះគឺ Spartak Moscow ប៉ះ Maribor ហើយ Sevilla ប៉ះ Liverpool។

ពូល F ក្រុម Manchester City ជាប់រួចទៅហើយសម្រាប់ការលេងវគ្គ១៦ក្រុមចុងក្រោយ ស្របពេល Shakhtar Donetsk មានភាគរយខ្ពស់ជាង SSC Napoli សម្រាប់តំណែងលេខ២។ ប្រកួតយប់នេះគឺ Manchester City ប៉ះ Feyenoord ហើយ SSC Napoli ប៉ះ Shakhtar Donetsk។

គូចុងក្រោយគឺពូល G ក្រុម Besiktas មានសង្ឃឹមខ្ពស់ជាងគេទៅវគ្គបន្ត ខណៈ FC Porto និង RasenBallsport Leipzig ក៏មិនទាន់អស់ឱកាសដណ្ដើមលេខ១ដែរ។ ប្រកួតយប់នេះគឺ Besiktas ប៉ះ FC Porto, Monaco ប៉ះ RasenBallsport Leipzig៕

Asensio ៖ ស្ថានភាពរបស់ Morata និងស្ថានរបស់ខ្ញុំខុសគ្នា ត្រង់ថា…

0 Comment

អេស្ប៉ាញ៖ យុវជនឆ្នើមរបស់ក្លិបយក្ស Real Madrid កីឡាករ Marco Asensio បានបង្ហើបពីអារម្មណ៍របស់ខ្លួន ចំពោះស្ថានភាពដែលរូបគេ មិនសូវបានបង្ហាញខ្លួនក្នុងប៉ុន្មានប្រកួតចុងក្រោយនេះ។
ដោយសារតែ Asensio មិនសូវបានចូលលេងច្រើន ទើបធ្វើឲ្យមានមតិពីអ្នកគាំទ្រជាច្រើន បានប្រៀបធៀបស្ថានភាពរបស់លោក ទៅនឹងកីឡាករ Alvaro Morata ដែលបានចាកចេញទៅក្លិបតោខៀវ Chelsea ដោយសារតែបញ្ហាមិនសូវបានបង្ហាញខ្លួននេះផងដែរ។
Asensio បានថ្លែងអំពីការប្រៀបធៀបនេះ នៅក្នុងសន្និសីទសារព័ត៌មានថា ស្ថានភាពរបស់លោកនិងស្ថានភាពរបស់កីឡាករ Morata មានភាពខុសគ្នា ត្រង់ថាខ្លួនលោកនៅក្មេង និងមានអាយុត្រឹមតែ ២១ឆ្នាំតែប៉ុណ្ណោះ។ ម្យ៉ាងលោកក៏តែងតែបានជាប់ជាជម្រើស ១១នាក់ដំបូងផងដែរ។
កីឡាករវ័យក្មេងរូបនេះ បានបន្តទៀតថា «ខ្ញុំនឹងព្យាយាមឲ្យកាន់តែខ្លាំង ដើម្បីសន្សំនាទីសម្រាប់លេង ឲ្យបានកាន់តែច្រើន នៅក្នុងការប្រកួតសំខាន់ៗ» ។
គួរបញ្ជាក់ផងដែរថា នៅម៉ោង ២និង៤៥នាទីរំលងអធ្រាតយប់នេះ ក្លិប Real Madrid នឹងធ្វើប្រកួតជាមួយក្រុម APOEL ក្នុងក្របខ័ណ្ឌ Champion League ដូច្នេះយើងចាំមើល មើលថាតើ Asensio នឹងអាចបង្ហាញទម្រង់ល្អប្រសើរដើម្បីទាមទារកន្លែងរបស់គាត់វិញបានឬក៏អត់នោះ៕

កីឡាករ Alvaro Morata កាលនៅលេងឲ្យក្លិប Real Madrid

កីឡាករ Marco Asensio និងកីឡាករ Alvaro Morata កាលនៅលេងជាមួយគ្នា

កីឡាករ Alvaro Morata និងក្លិបថ្មី Chelsea

Zidane៖ យើងដឹងមុនថា Ronaldo និង Benzema នឹងអាចរកគ្រាប់បាល់បាន

0 Comment

អេស្ប៉ាញ៖ បន្ទាប់ពីខកខានស៊ុតបញ្ចូលទីជាច្រើនប្រកួត ក្នុងនាមជាខែ្សប្រយុទ្ធ ពោលគឺកីឡាករ Benzema និង កីឡាករ Cristiano Ronaldo គ្រូបង្វឹករបស់ក្រុមអធិរាជស Real Madird លោក Zinedine Zidane បានដឹងមុនថា ខែ្សប្រយុទ្ធទាំង២ នឹងអាចរកគ្រាប់បាល់បញ្ចូលទីបានដូចដើមវិញ ក្រោយពួកគេទាំង២ រកបានម្នាក់ ២គ្រាប់ ក្នុងជ័យជម្នះទៅលើក្រុម APOEL ៦-០ កាលពីយប់មិញនេះ។
«ខ្ញុំពិតជារីករាយសម្រាប់ពួកគេ ហើយពួកគេនឹងបន្ដខិតខំបែបនេះទៀត» លោក Zidane និយាយទៅលើ Ronaldo និង Benzema ក្រោយពួកគេស៊ុតបញ្ចូលទីកាលពីយប់មិញ។
លោក Zidane បន្តថា «ពួកយើងដឹងមុនថា អ្នកទាំង២ នឹងស៊ុតបញ្ចូលទី។ ពួកយើងដឹងថា ពួកគេគឺជាកីឡាករដែលល្អសម្រាប់ក្រុមទាំងមូល ហើយពេលនេះអ្វីដែលពួកយើងត្រូវធើ្វ គឺការប្រកួតបន្ទាប់»។
បើក្រឡែកទៅមើលក្នុងលីកកំពូល La Liga របស់អេស្ប៉ាញ វិញ ទាំង Benzema និង Ronaldo ទើបស៊ុតបញ្ចូលទីបានចំនួន ម្នាក់១គ្រាប់ប៉ុណ្ណោះ ក្នុងការប្រកួត១២សប្ដាហ៍ កន្លងមកនេះ ធើ្វឲ្យក្រុម Real Madrid តាមពីក្រោយក្រុមគូប្រជែង Barcelona ដល់ទៅ ៨ពិន្ទុ៕

Kane៖ Spurs ឈរលេខមួយក្នុងពូលមរណៈគឺជារឿងគ្មាននរណាស្មានដល់

0 Comment

Tottenham បានផ្ដួល Borussia Dortmund ក្រៅទឹកដី ២ទល់នឹង១ដើម្បីបន្តឈរលេខមួយពូល H ខណៈការប្រកួតសល់តែមួយទៀតប៉ុណ្ណោះនឹងចប់សព្វគ្រប់ហើយ។

៥ប្រកួតកន្លងមកក្រុមរងជើងឯកលីគមកពីអង់គ្លេសបានផ្ដួលជើងខ្លាំង Real Madrid នៅទឹកដីខ្លួនឯង និងស្មើក្រៅដី រួចបន្តផ្ដួលApoel Nicosia និងយកឈ្នះ Dortmund ទាំងពីរជើងដើម្បីឡើងកំពូលតារាងពូល H ដែលត្រូវគេចាត់ទុកថាជាពូលមរណៈនៅអំឡុងពេលចាប់ឆ្នោតកាលពីដើមរដូវកាល។
Spurs បានកក់កៅអីវគ្គ១៦ក្រុមចុងក្រោយរួចជាស្រេចជាមួយ Real Madrid ស្របពេល Dortmund ធ្លាក់ទី Europa League ហើយ Apoel ហាលអាវត្រឹមនេះ។
ឆ្លងកាត់លទ្ធផលដ៏ល្អ Harry Kane ជាកម្លាំងសំខាន់ជួយក្រុមមកពីភាគខាងជើងទីក្រុងឡុង ធ្វើព្យុះភ្លៀងនៅ Champions league បាននិយាយសរសើរថា៖ "ពូលH ដែលយើងប្រកួតប្រជែង មានមនុស្សជាច្រើនគិតថា Spurs មិនអាចទៅរួច ដូច្នេះពួកយើងបានធ្វើឲ្យអ្នកទាំងនោះស្មានខុស។ យ៉ាងណាយើងសង្ឃឹមថា Spurs នឹង ធ្វើល្អដូច្នេះរហូតដល់ទីបញ្ចប់"៕

ផន ប៊ុនម៉ៅ លើកឡើងពីបទពិសោធយកឈ្នះពេលប៉ះកីឡាករខ្ពស់ៗ

0 Comment

អតីតកីឡាករជើងខ្លាំងគុនខ្មែរ ផន ប៊ុនម៉ៅ ប្រាប់ពីវិធីវ៉ៃខ្លះៗពេលប៉ះអ្នកប្រដាល់ដែលខ្ពស់ហើយល្អជង្គង់ ទី១ត្រូវប្រើបញ្ញា ទី២វ៉ៃដោយបច្ចេកទេសបំផុត។

កីឡាករ ផន ប៊ុនម៉ៅ ក្រហម

កីឡាករ ផន ប៊ុនម៉ៅ បានឲ្យដឹងថា បើប៉ះដៃគូកម្ពស់ប្រហាក់ប្រហែលគ្នាមិនសូវជាពិបាកវ៉ៃប៉ុន្មានទេ ប៉ុន្តែបើប៉ះគេខ្ពស់ហើយល្អ នោះអ្នកទាបពិបាកនឹងវ៉ៃយកឈ្នះបន្តិច។ សម្រាប់ការប្រកួតប៉ះជើងខ្លាំង រ័ត្ន តារា កាលពីថ្ងៃសៅរ៍កន្លងទៅនេះ ពិតជាស្វិតស្វាញមែនទែនទម្រាំអាចយកឈ្នះបាន ព្រោះគេខ្ពស់ ជាហេតុធ្វើឲ្យ «ប៊ុនម៉ៅ» ពិបាកនឹងចូលវ៉ៃ ទាល់តែប្ដូររបៀបវ៉ៃខុសពីធម្មតាទើបអាចឈ្នះ។

កីឡាករ ផន ប៊ុនម៉ៅ ក្រហម

អ្នកប្រដាល់ខាងលើបន្តថា ពេលជួបអ្នកខ្ពស់គួរណាស់កុំព្យាយាមវ៉ៃទល់មុខជាមួយគេ បើមិនដូច្នេះទេ គឺគ្រោះថ្នាក់ខ្លួនឯងហើយ ដៃគេវែងលូកដល់ៗ ដូចនេះត្រូវចេញចំហៀងវិញ មិនថាខាងឆ្វេង ឬស្ដាំឡើយ រួចចាំវ៉ៃចេញទើបបានផល ជាក់ស្ដែងពេលឈ្នះ រ័ត្ន តារា គឺខ្លួនប្រកួតបែបនេះ។

កីឡាករ ផន ប៊ុនម៉ៅ ក្រហម

ផន ប៊ុនម៉ៅ ជាបេក្ខភាពម្នាក់ទៀតហើយដែលឈានទៅជុំទី៣បន្ត ដែលមានកីឡាករ៨នាក់ត្រូវប្រកួតប្រជែង នៃពានរង្វាន់ TV5 Knock Out Series By Kcement ក្រោយរូបគេឈ្នះពិន្ទុកីឡាករ រ័ត្ន តារា កាលពីថ្ងៃសៅរ៍ ទី១៨ កន្លងទៅនេះ៕

ការប្រកួតជើងឯកថ្នាក់ជាតិ ២០១៧ មានអ្នកឈ្នះ ពេជ្រ ម្ទេសខ្មាំង អត់មើលទៅ?

0 Comment

សម្រាប់ការប្រកួតជ្រើសរើសជើងឯកថ្នាក់ជាតិប្រដាល់សកល ឆ្នាំ២០១៧ ចុងខែនេះ ក៏មានជើងខ្លាំងនិងជាម្ចាស់មេដាយសំរឹទ្ធស៊ីហ្គេម ពេជ្រ ម្ទេសខ្មាំង ចូលរួមផងដែរលើប្រភេទទម្ងន់ ៦០គីឡូក្រាម ដែលមានកីឡាករ ៧រូប ប្រកួតប្រជែងគ្នាដណ្ដើមមេដាយ ចាប់ពីថ្ងៃទី២៧ ដល់ ៣០ វិច្ឆិកា។ ចាំមើលថាតើជើងខ្លាំងរូបណាអាចផ្ដួល ពេជ្រ ម្ទេសខ្មាំង បានឬទេសម្រាប់ការប្រកួតថ្នាក់ជាតិមួយនេះ?
ខាងក្រោមជាសមាសភាពកីឡាករដែលចូលរួមប្រភេទទម្ងន់ផ្សេងៗ៖

កីឡាករ ពេជ្រ ម្ទេសខ្មាំង ពេលឈ្នះមេដាយស៊ីហ្គេម ២០១៧

Sevilla រំលឹកព្រឹត្តការណ៍ Istanbul ដល់ Liverpool វាយបកតាំងពីចាញ់៣គ្រាប់ដល់ស្មើ

0 Comment

Sevilla បានវាយបកយ៉ាងសាហាវជាមួយ Liverpool ក្នុងការប្រកួត UEFA Champions League វគ្គសន្សំពិន្ទុក្នុងពូល E។

ក្រុមមកពី La Liga ត្រូវជើងខ្លាំងមកពីអង់គ្លេសនាំមុខ មុនរហូត៣គ្រាប់នៅវគ្គទីមួយតែបានវាយបក៣គ្រាប់តាមស្មើវិញនៅវគ្គទីពីរយ៉ាងភ្ញាក់ផ្អើល ដូចគ្នានឹងការវាយបករបស់ Liverpool ខ្លួនឯងកាលពីវគ្គផ្ដាច់ព្រ័ត្រ Champions League ២០០៥ជាមួយ AC Milan នៅ ទីក្រុង Istanbul តាំងពីចាញ់៣ទល់០ រហូតឈ្នះដោយបាល់ប៉េណាល់ទីនឹងលើកពានតែម្ដង។
ការប្រកួតកាលពីយប់មិញ លេងបានតែ ២នាទី Coutinho បានលើកបាល់ជ្រុងឲ្យ Firmino ស៊ុតចូលនាំមុខមុនទាំងព្រលឹម។ លុះដល់នាទី២៩ Mane លោតចាក់អន្ទង់តែតបានមួយគ្រាប់ទៀត មុនពេល Firmino បន្ថែមគ្រាប់ទី៣នៅមួយនាទីក្រោយមក ជាការស៊ុតសល់ពី Mane។
នៅវគ្គទីពីរលេងបាន៥នាទី Wissam Ben Yedder បានតែតសងឲ្យ ម្ចាស់ផ្ទះបានមួយគ្រាប់វិញ ជាការចាប់ផ្ដើមនៃដំណើរវាយបករបស់ពួកគេ។ នាទី៥៩ខ្សែប្រយុទ្ធសញ្ជាតិបារាំងដដែលបានបន្ថែមគ្រាប់ទីពីរ ជាការទាត់បាល់ប៉េណាល់ទីក្រោយ Moreno បង្កកំហុសក្នុងប្រអប់គ្រោះថ្នាក់។ នៅចុងម៉ោងរៀបចប់ការប្រកួតទៅហើយ Guido Pizarro ក្លាយជាវីរបុរសស៊ុតតាមស្មើឲ្យ Sevilla បានមួយពិន្ទុនៅទឹកដីរបស់ខ្លួន។
ដោយឡែកមួយគូទៀតនៅពូល E ដែរ ក្រុម Spartak Moscow បានស្មើគ្នា ១ទល់១ ជាមួយ Maribor ធ្វើឲ្យក្រុម៣មាន Liverpool, Sevilla និង Spartak Moscow មានពិន្ទុក្បែរៗគ្នា មិនទាន់រកឃើញក្រុមណាកក់កៅអីនៅវគ្គ១៦ក្រុមចុងក្រោយនៅឡើយ៕